top of page
Search
  • Writer's picturetopedukator

Пролетен замор и недостаток на енергија




Симптоми на пролетен замор

Пролетниот замор е предизвикан од хормоналните промени во телото поради промената на сезоната и се јавува во рана пролет (март, април). Сите промени, дури и добрите, понекогаш носат со себе елементи на анксиозност, а тоа е почесто случај со чувствителни групи на луѓе склони кон депресија и анксиозност. Временските промени влијаат на лачењето на хормонот на среќата серотонин и хормонот за спиење мелатонин како резултат на што може да дојде до промени во расположението.

Симптоми на пролетен замор може да бидат:

·        губење на интерес за активности што сакате да ги правите

·        чувство на недостаток на енергија, целодневен замор

·        чувство на тромост и вознемиреност

·        проблеми со спиењето

·        промени во апетитот и телесната тежина

 

Како успешно да се справиме со пролетниот замор?

За да се исполниме со позитивна енергија треба да дејствуваме на повеќе нивоа. Тие се: изложување на сонце, промени во животниот стил, релаксациски техники, примена на соодветни додатоци во исхраната, а во одредени ситуации и психолошка поддршка. Негативните стимуланси како што се големи количини шеќер, кофеин, цигари и алкохол треба да се елиминираат. Имаат краткорочно стимулирачко дејство, но откако ќе престанат да делуваат дополнително го намалуваат нивото на енергија, а алкохолот го зголемува депресивното дејство. Наместо ова важно е да се воведат секојдневни прошетки на отворено од минимум 30тина минути, а во затворени простори ослободете ги прозорците за да пропуштат што повеќе светлина. Светлината влијае на зголеменото производство на хормонот на среќата и ја стимулира синтезата на витаминот Д, чиј недостаток има улога за појавата на пролетната анксиозност. Корисно е да се применат методи за релаксација како што се медитација, слушање музика или терапија преку уметничко изразување. Промените на животниот стил треба најпрвин да вклучат здрава и урамнотежена исхрана, бидејќи нездравата исхрана е причина за таложење на токсини, недостаток на витамини и минерали, што носи чувство на слабост, замор и недостаток на енергија. Вежбајте редовно или спортувајте, бидејќи тоа го намалува нивото на стрес, го стимулира производството на серотонин и ја зголемува самодовербата. Воведете хигиена на спиење, спијте минимум 7 часа секоја вечер и придржувајте се до одреденото време за заспивање најдобро до 23часот. Стресот и грижата го попречуваат сонот, па добра книга, топла бања или лесна масажа пред спиење може да придонесат за релаксација и мирен сон. Уживајте во друштвото на вашите најблиски а ако сте во можност одете на краток одмор. Краткиот одмор и промената на околината добро влијаат на нашата енергија и расположение.

 

Додатоци во исхраната кои се корисни за надминување на пролетниот замор.

Витамин Д – недостатокот на витамин Д во овој период од годината е чест поради ниската изложеност на сонце во зимските месеци. Истиот може да предизвика пролетен замор, па затоа се препорачува внесување на витамин Д во текот на пролетните месеци.

Мултивитамини и минерали - по честопати лошата исхрана во текот на зимските месеци, потребно е организмот да се обезбеди со дополнителни хранливи материи.

Магнезиум и мелатонин – ако се земаат пред спиење, придонесуваат за релаксација, побрзо заспивање и мирен целовечерен сон.

 

 

4 views0 comments

Comments


bottom of page